گجرات: صحن میں کھیلتے7سالہ بچے کی گیند ہمسائے کی چھت پر گرنے کا انجام بچے کے باپ کی موت ، ہمسایوں نے بچے کے باپ کو سر میں ڈنڈے مار کر قتل کر دیا مقدمہ درج۔
تفصیلات کے مطابق تھانہ دولت نگر کے علاقہ گاؤں پھرا کٹھانہ میں افسوسناک واقعہ پیش آیا، پھرا کٹھانہ کے رہائشی شوکت سلطان کے7 سالہ بیٹا محمد علی کی کھیلتے ہوئے گیند ہمسایہ محسن کی چھت پر چلی گئی،7سالہ بچہ گیند لینے گیا تو ہمسائے محسن نے بچے کو گالی گلوچ کیا اور تھپڑ مارے۔ بیٹے کی رونے کی آواز سن کر اسکا والد شوکت سلطان اور دادا سلطان احمد او رماموں شبیر احمد چھت پر گئے اور بچے کو مارنے کی وجہ پوچھی تو ڈنڈا بردار ہمسایوں نے بچے کے والد محسن پر ڈنڈوں کے شدید وار کیے جس سے وہ لہو لہان ہو گیا جسے تشویشناک حالت میں ہسپتال داخل کرایا گیا جہاں وہ زخموں کی تاب نہ لاتے ہوئے دم توڑ گیا۔ پولیس نے شبیر احمد سکنہ جلالپورجٹاں کی رپورٹ پر ہمسائے محسن اس کے بھائی عبداللہ اور والد شہباز عرف پیراں دتہ کے خلاف قتل کا مقدمہ درج کر لیا۔