کھاریاں (تنویر نقوی سے) مسلم لیگ (ن) ہی 2018ء میں بھاری اکثریت سے کامیابی حاصل کرے گی۔ کارکردگی کی بنیاد پر ووٹ حاصل کریں گے عوام ترقی اور روشنی کے سفر کو جاری رکھنے کے لئے مسلم لیگ (ن) کے امیدواروں کو بھاری اکثریت سے کامیاب بنائیں گے۔ حلقہ این اے71، پی پی34,33,32بلکہ پورے ضلع گجرات میں میاں نواز شریف کا ویژن ہی کامیابی حاصل کرے گا ان خیالات کا اظہار ممبر قومی اسمبلی چوہدری عابد رضا کوٹلہ نے کیا۔ انہوں نے کہا کہ ملکی سلامتی اور بقاء کے لئے حکومت کی کارکردگی مثالی ہے اس کے ساتھ ملک بھر میں تعلیم، صحت، انفراسٹرکچر اور عوامی فلاح و بہبود کے لئے تاریخ ساز کام کئے جا رہے ہیں حکومت اپنی آئینی مدت پورے کرے گی اور ان شاء اللہ عوام ترقی کے اس سفر کو جاری رکھنے کے لئے 2018ء کے الیکشن میں بھی مسلم لیگ (ن) کے امیدواروں کو ووٹ دیں گے اور بھاری اکثریت سے کامیاب بنائیں گے۔