گجرات پولیس کا منشیات فروشوں اور نا جائز اسلحہ برداروں کے خلاف خصوصی آپریشن۔ 3ملزمان گرفتار، ساڑھے 4کلو سے زائد چرس اور پسٹل 30بور برآمد۔ تفصیلات کے مطابق ڈی پی او گجرات سید اسد مظفر کی زیر قیادت گجرات پولیس کا ناجائز اسلحہ برداروں اور منشیات فروشوں کے خلاف آپریشن جاری ہے۔ ایس ایچ او تھانہ صدر گجرات ابسپکٹر اعجاز علی نے اپنی پولیس ٹیم کے ہمراہ کاروائی کرتے ہوئے بد نام زمانہ منشیات فروش علی امیر عرف علی شاہ ولد سید عباس سکنہ معین دین پور کو گرفتار کر لیا۔ ملزم کے قبضہ سے 3کلو سے زائد چرس برآمد کر لی گئی۔ جبکہ دوسری کاروائی میں نا جائز اسلحہ بردار ساجد ندیم ولد عطاء محمد سکنہ پنڈی حسنہ کو گرفتار کر کے ملزم کے قبضہ سے پسٹل30بور برآمد کر لی۔ ایس ایچ او تھانہ صدر لالہ موسیٰ انسپکٹر لیاقت حسین نے اپنی پولیس ٹیم کے ہمراہ منشیات فروشوں کے خلاف کاروائی کرتے ہوئے ملزم بلاول شریف ولد محمد شریف سکنہ لوہسر کو گرفتار کر کے ملزم کے قبضہ سے 1500گرام چرس برآمد کر لی۔گرفتار ملزمان کے خلاف الگ الگ مقدمات درج کر کے مزید تفتیش کا آغاز کر دیا گیا